قصاقيص للشاعره / أمل العدوي العدويه

قصاقيص
باقيين شوية ورق والحبر متشخبط
كتابتى فيهم قلق والخط متلخبط
ورق مليان اهات والوقت متخطط
اوراق شجرة عتيقة والشجرة بتسقط
مش هحكى عن زمان بس الورق يحكى
يحكى الورق تعبان عن اهه بتبكى
اكتم كل الآهات والورق يشكى
شايل كل اللى فات اسكت انا يحكى
ورق شال جراحى ولا كل ولا قال آه
فى ليلى وصباحى اسرح انا وياه
لانام وانا صاحيه ولا حبرى يوم عياه
املاه حبر وحكاوى ويقول ياليل الله
باقيين شوية ورق
حافظين جراح ماضيه بتاريخها والموعيد
اوراق كتير فى الهوا والريح لاعبها اكيد
اوراق مليانه حبر محفور فيها البعيد
ورق حافظ سنينى م الجرح بالتجاعيد

ورق شايل جراحى وساندها بميت وتد
ومهما كتبت فيه حافظ من غير عدد
ورغم انه كان ليه السند
وكل شئ عشته انا على ورقى اتولد

مين قال ان الورق اعدائه ميه ونار
دا أنا ورقى شال الفحم وبله دم التار
وعاش سنين فى القعر تحت فى اعمق بحار
دول مش شوية ورق دول حطمو الاسوار

وانا حبرى كان دمى وهدومى اوراقى
والحلم كان شكوتى والهم اشواكى
ورقى اللى شال الجرح احكى ينام باكى
ياسنين عزاب وشقا ولا جرح كفاكى

أمل العدوى
من كتاب اوراق الماضى