أبويا
يا أغلى الناس عليا
فراقك من الدنيا كان
صعب عليا أوي
وساب فراغ كبير
وكسر حاجات كتيرة جوايا
كل مبفتكر كل لحظة حلوه
عشتها وياك وكل خطوة
مشيتها معاك
بتبكيني وبتفكرني بحنيتك
وقلبك الطيب اللي شايل
حب الكون جواه ومخبيه
علشان خاطرنا أنت حبيبي
ياللي ربتنا على القيم والمبادئ
الحلوة الجميلة
أنت مثلي الأعلى في الحياة
والحياة بعدك ملهاش طعم
من بعدك يا أبويا مش حياة
كل اللي عندي وأقدر أقوله
دالوقتي ليك إني بحبك وبحب
سيرتك الحلوة وصورتك ووشك
البشوش
وبحب وقفتك جنبي وأنا صغير
وأنت بتشتغل وتعرق من أجلي
وبتراعيني وحتى من بعد ما كبرت
بردو بتراعيني صحيح مفيش في
حنيتك حد ولا زيك ولا في إنسانيتك
أنت في قلبي ووجداني ياللي وجودك
في أساس وجودي في الدنيا كلها
بدعيلك في كل صلاة إني أشوفك
في الجنة إن شاء الله ياللي كنت
محافظ على الصلاة وكنت بتصلي
كل وقت في وقته وماشي يا حلو
على الخط المستقيم بتوحد ربك
صباحك وعشاه
طلعت نعاس الفرجاني
ليست هناك تعليقات:
إرسال تعليق