من زمن فات
===
كان يامكان كان زمان
الأبواب مفتوحه بين
الجيران
هدوء وصدق القلوب
بالطيب والدنيا أمآن
الفجر أذن والصبح لآح
والناس تصبح
صباح الخير ياعم صادق
صباح الخير ياعم عبده
صباح الخير ياعم صالح
صباح الخير ياعم فاتح
الوقتى تسمع تانكس
وفانكس وقشطه ياعم
وكلام كتير تسمع ضجيج
وكمان صفير
وتاهت أصوات العصافير
وعم صادق خلاص كداب
منافق
وعم عبده غير اسمه لرامبو
وعم صالح شغال مصالح
شيلنى شيل
وعم فاتح قافل وسارح
سمسار حمير
والصغير عامل كبير تكلمه
شغال جعير زي النفير
وإن كنت عايز اخوك
ع الفون تجيبه قاعد
وفارش يتصور بسلفي
مع نسيبه
خلاص ياباشا الدنيا حجر ونار
وماشاااا
وحقير .بأصله. ينادوه.. يا باشا
وأصيل. صنف ...هبيل.. عويل
والمعلم بهدلوه العيال
طبعآ دروس وجمع مال
الكبير كان يشخط وينطر
والصغير يسمع وطايع
الوقتي الكبير تايه وضايع
فين الربايا والإحترام
وكتاب الأدب أرطسوه
يبيعوا فيه واطعوه برشام
خلاص ياعم
صاح الدولار شغل الجميع
والعقل طار
الصحة بالمشافي كلام وبس
تكشف يقولك معاك علاجك
وانت جاي ولا تأكل معانا
خشاف ولابغاشا سلامتك
ياباشا من الهشاشه
كان يامكان كان زمان
نجوى محمد
ليست هناك تعليقات:
إرسال تعليق