من إبداعات الشاعر الرائع / أحمد الخياط

عن القعدة في أوضتك الضلمة
عن الوحدة اللي إتحولت إدمان
عن الغفلة وعن السرحان
عن الدخان/ اللي محاوط كل اركانها
عن الذكري اللي مرسومة علي حيطانها
عن البنت اللي حبيتها ومطلعتش غير بس بصورها
عن النوم اللي مابيجيش من كتر الفكر والأفكار
عن الغيرة وعن التار
وفكرة إني هرد القلم قلمين
عن الصبر وعن العين/
اللي اتملت بدموع
عن القلب اللي بيصرخ آه
وصوته ياعيني مش مسموع
عن الجوع/ اللي مشاعري تملي حساه
عن الوجع اللي من غير آه
عن الياه/لو كنت محبتهاش
عن الوعد وعن الواعد اللي ماااا وفاش
عن الغشاش/ وغشه اللي ملا الأحلام
عن الصدق اللي أصبح خام
ومبقالهوش مابينا وجود
عن البنت اللي حبيتها ودلوقتي في بينا حدود
عن الموت/ اللي صاب الروح
عن الدمعة اللي رافضة تبوح
عن المدبوح/ من كتر تعدد الاسباب
عني/ وعنك /وعن كل الهربانين مالواقع الكداب