من إبداعات الأديبة والشاعرة الأنيقة / نجوى محمد

العمر سنين بتعدي 
من بين ايدينا 
واحنا يادوب 
عايشين 
ومش حاسين 
ان الفراق بينادينا
ضحكه ودمعه ومطر
وتوهه في سكه سفر
والم وجراح
وعذاب بيسكن فينا
وقدر مكتوب
وتعب في قلوب
وحزن ساكن عينينا
سكه ماليها الشوك
علي جسر الامل
وحنين مجروح
بالصمت يبوح
مهما الجرح اندمل
وينادينا الزمن
وصوت البلابل
سنين مخاصمها الشجن
والعمر لو كان ضاع
في سكه سفرنا
كنا لقينا صراع
ونواجه مصيرنا
عشان عبير الورد
لازم جراح الشوك
وعشان تنسي الجراح
مش لازم تنسي اللي بيحبوك
نجوي محمد