( طبيب الغلابة ) بقلم الشاعر الراقي م/عبالحميد سالم

( طبيب الغلابة ) م/عبالحميد سالم
وداعا يا ساكن قلوب الغلابة
يا رمز العطاء ف زمن الديابة
يازاهد فى كل ملذات الحياة
لك جنة ونعيمها جزاة الطيابة
***
الشعب اختارك طبيبه المثالى
يا شعلة خير يا دكتور مشالى
وكشف العشرة أفضل م المئات
ودعوة فقير بترفعك ف العلالى
*****
كان علمك رسالة دى نصيحة أبوك
مش جاه ومنصب ورصيد ف البنوك
على كام فيلا وسيارة أحدث موديل
لكنك فضلت الحارة مع فقرا عشقوك
*****
طبيب الغلابة على صدرك كان وسام
لا تقول جايزة نوبل ف طب أو سلام
عليك الف رحمة ونور يا رمز العطاء
ويكفيك دعوات كتير من فقرا وأيتام