أنا صاحيه مابحلمشى بقلم الشاعرة الرقيقة / الهام شحاتة

أنا صاحيه مابحلمشى
باقلم الهام شحاتة
***************
انا بينى وبينه بلاد
والف ميعاد
وبينا كلام
مع الايام
وانا بستنى
سمعت صوت ولا الكروان
يسمعنى غنى ع الناى
لقتنى تايهه ف الاحلام
يقولى فوق و ماتنمشى
واحس برعشه جوايه
تزيد العشق فى هوايه
وتفرشلو فى خطاه رمشى
اقول فايق ومش نايم
صحيح صاحيه مابحلمشى
فِ ودانى بيهمسلى
يوشوشنى باحلى كلام
و يسرح بين الرمش والننى
اقول أه ماتبعتشى
دابعدك أه مجننى
تزلزلنى
تاخدنى بعيد وترجعنى
وبعدك عنى يوجعنى
وتسرح جوه جوه الروح
و تحينى من تانى
ما أنا كنت طير مجرح
و بيرفر ف حلاه روح
و فجأة بحس بضلوعى
تقولى هواه متقدر
وكان مكتوب
احس رعشه جوايه
احس برجوعى للدنيا
وبسأل نفسى الف سؤال
وببعت له كام مرسال
مابيردش
اقوله قلبى ولا مال
مايهتمش
لقيت قلبى ولا الزلزال
يشق الارض
ميت بركان
يقولى خلاص ماتحلمشى
***********************************
أنا صاحيه مابحلمشى
باقلم الهام شحاتة
من ديوان (( مجروحه ))