مش تزعلي بالعامية للشاعر الراقي / أحمد عبد الفتاح البوهي

مش تزعلي لما أتجهلك
قدام الناس...
م أنت عارفه أنك فيا
مالكه كل الاحساس....
خايف على حبنا
من عيون بتحسد وتلوم....
خايف لايجي يوم
م عرفش أشوفك يوم....
الناس سيبا مشاكلها
وبتتكلم فى مشاكل الناس....
قلت لازم يشوفوك
غاليه زي الماس....
غصب عني
نزلت من عيوني دموع....
لمحو صورتك فيها
وحسوا قلبي الموجوع....
قالوا بتحبها
قلت عادي مجرد جاره أوصديقه....
صدقوني ياناس هيه
دي الحقيقه....
علشان مش تشوفي
ف عيونهم لوم....
علشان أشوفك
كل يوم....
أما الدموع ياناس دي
من أسوة زماني....
صدقوني مش بحبها
دي حاجه فيا تعباني....
مش تزعلي
لما أتجهلك تاني....
كلماتي العاميه... أحمد عبدالفتاح البوهي ديرب نجم مصر....
بعنوان... مش تزعلي....