من إبداعات الشاعرة الأنيقة / نجوى محمد

غريبه في وسط ناسي 
واهلي وحبايبي وصحابي 
صحيت ملقتش ضلي 
واقف علي اعتابي 
وشمسي غابت فاجأة
وضاع الحلم مني
كدبت قالوا صادقه
وصدقت بعدوا عني
طب قولوا ازاي ارضيكم.
وانا راح افديكوا بدمي
دانا قلبي عاش شاريكم
واصغر ما فيكوا باعني .
وتاهت رسمتي .
وخلصت قصتي
بمحو بسمتي .
ومعدتش اعرف اغني .
ومبقتش اعزف نااي
ولا العب كمنجه .
قولولي بس ازاي
بقيت ضعيفه وساذجه
بصدق كدبكم .
واستحلي غشكم .
ولما غدرتوا بيا .
جرحي معرفش يسمي .
يااه ع الناي الحزين
في عز قساه ومرضه
نفسه يعود للطين.
ضمن خوص مغروز في ارضه .
اصل الناي ليه قصه
تشبهني في كل شيئ
مضربش جرس الحصه .
وانكتب عليه طريق .
سحبه الكراسه منه
والورقه والقلم
وخيبوا ظنه .
وبكل قسوه اتظلم .
شالوه من وسط ناسه
وهاجر عزوته .
لوكان عرف مصيره
كان صار خوصه ف علم .
نجوى محمد