من إبداعات الشاعر الراقي / علاء حجازي

وسرقت من الذكرى حكايه..
مالهاش بدايه ولا نهايه..
وقعدت على شط النيل..
ودموعى تبكى ف منديل..
علشان عيون القمرايه..
كان حوار بيننا طويل..
قالت أدق التفاصيل..
وسمعها قلبى وكان يميل..
وكأنه ساكن حضن ليل..
ونور عيونها دامرايه..
وهمست على صدر عليل..
و دواه فى حرف وتحميل..
لمعانى حبك ياجميل..
ياللى هويت فيك غنوايه..
وكتبت عقد و وثقته..
مظبوط تمام جاى ف وقته..
وشفايفه كانت لى شهود..
و خدوده بستان لورود..
غنيتله للصبر حدود..
وف يوم أكيد راح هيعود..
حلمى اللى مرسوم جوايه..
على سطر حب الوردايه..
وحنينها كان بيشدنى..
كل أما أقرب ينحنى..
ويقولى شبعنى كفايه..
وعزفت لحن الخلود..
بشفايفى فوق الخدود..
غنيت بلاش العتاب..
و نسينا فين العذاب..
و رقصت رقصه باليه..
فوق صدرها أمال إيه..
وعرفت إن إسمه إيه..
هو اللى سرقك ياحكايه..
ومشيت كأنى أسير..
عابر سبيل تفسير..
لمعانى أروع روايه..
(حرامى حب وحكايات)
(من الذكرى والزمن اللى فات)
بقلمى
علاء حجازى