( ثانوية الكورونا )بقلم الشاعر الراقي / م/عبالحميد سالم

( ثانوية الكورونا ) م/عبالحميد سالم
الثانوية ف الكورونا
مش أى ثانوية عامة
لا ف سناتر علمونا
ولا الأسر كانت مهتمة
فالف مبروك لكل ناجح
تفوقك ف أصعب مهمة
وحذارى ياخدك غرورك
وتدور على كلية قمة
شفت دكاترة الكورونا
ضاعوا ف منظومة لمة
بشهادات من تحت السلم
من جامعات م ليها ذمة
مهى الشهادة بقت مهمة
لكل الناس اللى يعرفوك
ولأهل خطيبتك خصوصا
عشان يرضوا يجوزوك
لكن اللى ف عيونه دمعة
عشان شخبط ولخبط
أمامك الفرصة تانية
وبكره نشوفك مزقطط
وتانى هتفتح السناتر
مهى دى سبب الكوارث
والكل تانى هيتشقلط
عشان أهملنا دور المدارس
وهتفضل الثانوية العامة
صداع ف راس اللى خلفونا
ف مبروك لكل اللى ناجح
يا أبطال زمن الكورونا