قدرت خلاص أهرب منك
و أتخبى فصورة تقول نسياك
أرقص مع قمري طول الليل
و ألحن غنوة على الشباك
وأقول للشمس غيبي شوية
أنا ليه حبيب متخبي هناك
و إن سألت يوم عنك شمسي
هكدب وأقول إن أنا كرهاك
و حقيقي أنا بكرة روحي
علشان قالت عيزاك
بكره عيني لأنها شيفاك
بكره حالي لو مشتاقة
و أندم لو حلم جمعني معاك
بكره إني فيوم حبيتك
و وهمني العشق أن أنا عرفاك
و نسيت إنك زي الدنيا
ليك وش شيطان
و وش ملاك
بس أنا مش هكذب تاني عليك
أنا فعلا كارهه إن أنا عشقاك
ليه من كل الدنيا نصيبي
يختار قلبي نارك و هواك
أنا مش عيزاك ....!