من إبداعات الأديبة الشاعرة / نجوى محمد

آآآآه... حرفين... وبيقولوا عنها كلمه.. 
وهى في الحقيقه شايله الف معنى ..
آه يعنى وجع ..يعنى كاتم جواك ..
يعنى نفسك تصرخ ومفيش حد معاك ..
يعنى ضيقه من حد حواليك .. 
ومش عارف تواجهه باللي عمله فيك ..
.يعنى مجروح من فعل وكلام ناس اتقال عليك وهمامن اقرب الناس ليك .
.عارفينك ومعاشرينك ومن جواهم غباء ليك وفي نظرتهم بتحس انهم مستحقرينك ..
آآه يعنى فراق يعنى بعد من غير ماتعرف اسباب ..
يعنى ناس بتتدخل بين أحباب ومتسبهمش في حالهم الا لما يكونوا أغراب..
يعنى فشل وواقف مكانك ومش عارف تاخد خطوه قدامك ...
يعنى أحلام اتقلبت لاوهام ..و ماتت مشفتش منها غير آلام.
يعني قلق يعني حيره يعني سرعه في الاختيار
يعنى بتتوجع وتوصل لحاله تخليك تفكر للانتحار .
بس هما عايشين مع ناس مش شبهم وبرضه مكملين .
ناس بتستني منهم ابتسامه ويحسسوك انك بتحس وبتحتاج طبطبه إيد في وقت انت فيه ساكت ونفسك تحس انك مش وحيد ..
اآه يعنى موت يعنى جواك وجع بيصرخ بأعلي صوت ..
في دنيا بقي كلها ظلم والعدل مبقاش موجود ...
آه يعنى حرقه قلب ام علي ضناها محدش هيحس بوجعها ..
يومين والكل ينسى والدنيا تمشي زي ماهى لا في حاجه بتتغير ولا عارفين هي ايه القضية. ؟
كلنا في الآخر هندفع التمن والكل هيعيش ويموت ضحيه..
نجوى محمد