( انا المعاش ) بقلم الشاعر الراقي م /عبالحميد سالم

( انا المعاش ) م /عبالحميد سالم
مين جاى يسحب من بعيد ؟
ويدوب الواحد شايفه طشاش
جاى لنا ماسك عكاز حديد
وهموم زمن راح منا بلاش
ياترى بعد كل سنين التعب
هيكرمنى ولا هيدينى الطناش
لو جاى يكرم ف مرحبا
ولو جى شمتان فأرجوه بلاش !
رد وقال يا غبى منتش عارفنى ؟
مين هيسأل عليك غيرى انا ؟
أنا مرتبك اللى تلت ترباعه راح
وفاضلك منه الربع كاش
أنا خازوق نهاية العمل
افتح يا غبى أنا المعاش
لكن أقولك انت مين ؟؟
إنت الخيل اللى ياما اتركب
ولما كبر قالوا اعدموه
وكانت نهاية خدمته
كام ظرف طاش