قَفِلنَاَ البِيِبَاَن
============
قَفِلنَاَ البيباَن
وقعَدنَا فى البيوت
مَا بين أربع حِيطَان
والهَمس أو السكُوت
مع أصعب إمتحان
من فيرس له جَبَروت
ولا واحد م الجِيران
فَكَر علينا يفوت
مَاعَادش حَد يبَاَن
دى فيها عَدواَ وموت
وكل يوم بَيَان
بالصوره كمان والصوت
فيه كَاَم واحد عَيَاَن
وكام واحد بيموت
مهما تكون زهقان
أو حتى كمان مكبوت
أكيد فى بيوتنا أمان
م الفيرس الهلفوت
وأملنا فى الرحمَن
سبحانه رب الملكوت
يحفظنا من الطوفان
والغُمه بأمره تفوت
=============
( محمـد عنانى )
ليست هناك تعليقات:
إرسال تعليق