عَشَاَن تِبنىِ الوَطَن
==========
إِنتَ عَشَاَن تِِبنىِ الوَطَن
مِش بِالحَنين
ولاَ بِالغُنَا وقت المِحَن
ولا بالأَنين
ولا دُموع الكَدَابين
ولاَ بالفِتَن
ولاَ بحكَاَوى السهرَانين
إنتَ عَشَاَن تبنى الوطن
لاَزِم يِكون عَندك أَمل
وتحقَقَه بصِدق العَمَل
بِالإيِديِن الشَقيَاَنين
بِعَرَق ولاَدنَاَ الطَيبين
الشَغَاَلين
مِش عَ القَهَاَوى مِرَتَاَحِين
ويشتكوا مُر السِنين
إنت عَشَان تبنى الوطن
مِش بِالكَلَام
وحروف نِقُولهَاَ والسَلاَم
ولاَ حِلم شُفنَاَه فِى المَنَاَم
يَعنىِ ضَرُورى بِالكِفَاَح
والتَعَب يِبقَاَ مَعَاَه دَايماً نَجَاَح
ويَاَه نشوف نُور الصَبَاَح
وِاللى ضَاَق يِصبَح بَرَاَح
والألَم تِسكُت آَهَاَتُه
والوطن يِبقَاَ عَزِيز بِجهود وِلَاَدُه
المُخلصين الكَاَدِحين تِعلاَ رَاَيَاتُه
=================
( محمد عنانى )
ليست هناك تعليقات:
إرسال تعليق