*ليه يابلد* بقلم الشاعر الراقي / ابراهيم سعيد

*ليه يابلد*
ليه يابلد جاية علينا
مابتسبيش فرح يجينا
دم البريئ روى أراضيكي
وابن الفقير شقيان فيكي
ليه تعلي كل جبان وخسيس
وبتقتلي فينا الأحاسيس
ليه الفرح فيكي بقى معدوم
وليه تملي الحزن يدوم
ليه مشيلانا حمل هموم
وليه تجيبي علينا اللوم
ليه مخلية الندل يعيش
وبتحدفلنا إحنا التناتيش
ليه معيشانا زمن الطرابيش
زمن الباشوات والحرافيش
ليه معيشانا بلقمتنا
وبتزعلي من لمتنا
ليه تشوهي أحلى ما فينا
وتسودي نهارنا علينا
حني بقى شوية علينا
وشدي بإيديكي إيدينا
عشان تنور ليالينا
ليه يابلد
ابراهيم سعيد