( مرار كاسنا ) بقلم الشاعر / م /عبالحميد سالم

( مرار كاسنا ) م /عبالحميد سالم 
لساك يا آبى أحمد مع مصر بتماطل
فاكر هتجور على حصة ميتها بالباطل 
م تفوق بقه يا آببه واعرف بتعادى مين 
دة مية النيل روحنا طب امنعها لو راجل
ساعتها سد نهضتك هيبقى خراب عاجل
****
النيل دا من قديم الأزل بيجرى بأمر الله
بيروى دول حوضه سبحان من لها أهداه
وحواليه قامت حضارات شاهدة بحقوقنا
وأبى أحمد مجرد لعبة وعارفين مين وراه
لكن يا روح م بعدك روح ونيلنا إحنا فداه
*****
لو دقت طبول الحرب ف كلنا ورا جيشنا
شرق وغرب جنوب وشمال ربك بيحرسنا
احنا مش دعاة حرب ولغير الله م بنركع
وأخيرا بقينا مش تابع وقرارنا من راسنا
واللى عايز تجرب قرب ودوق مرار كاسنا