لو تعود بقلم الشاعر الراقي / ابراهيم سعيد

لو تعود
لو تعود بيا الأيام
أو تخدني في نومي أحلام
وارجع لزمن من غير ألام
مليان هدوء مليان سلام
أرجع أعيش أيام ماكان
الحب مالي كل مكان
أيام ماكان ليا جيران
بودهم وبحبهم بيحسسوني بالأمان
أرجع لحضن أمي وأبويا
أرجع ألعب ويا أخويا
لما كنت في عز فرحي
ألقى ناس فرحانة بيا
ولما أحزن ألقى ناس
زعلانة وبتطبطب عليا
دا لو خيروني بين الزمن دا
واللي كان
لخترت أعيش أيام زمان
وسط أهلي وجدعنة أجمل جيران
ابراهيم سعيد