( ثورة ) بقلم الشاعر الراقي / م/ عبالحميد سالم

( ثورة ) م/ عبالحميد سالم
مع إنى قلبى أبيض زى البفت ؟
حظه عشق قلب إسود زى الشاش
سابه وجرى ورا قلب هيدفع آجل
وأنا اللى قلبى حبه مدفوع كاش
*****
مع إنى وهبت القلب له تمليك
فاته وراح بدور على قلب إيجار
طب تغدر ليه على قلب شاريك ؟
وتعرض حبك على ميت سمسار
******
أنا قلبى تعب فعلا ومحتاج ثورة
تحرره من غزو قلب ماله وعود
خدعه مهو لو كان يوم أخد دورة
ف الغدر كان قدر يقاومه بكل برود