من إبداعات الشاعر / محمد البحيري

ناس بتلف طول اليوم
من جوا التراب بتسف
وناس عدها خط الفقر
وتصرف كل يوم بآلالف
وناس نبع ضميرها خضار
وناس ضميرها ديما جف
وناس تستنى لقمة عيش
يضيع العمر وقفة ف صف
وناس علشان تعالج ناس
تبيع الغالى واللى نفيس
وناس تحلم بسوق العيش
تشكى الصبح م الكوابيس
وناس تسألها ليه كرهين
تقول ده طبع ياما سنين
ومين يعذر ومين يسمع
ومين يحس بالمساكين
*محمد البحيري*