أحبك آه ما بأنكرشي بقلم الشاعره / سالي محمود

أحبك آه ما بأنكرشي
**********
أنا عاشق وبهواكي أنا دايب 
وفيكي أنا ماسك ومش سايب
وفي رحابك أنا تايب
بحبك آه ما بأنكرشي
وأدوب في هواكي وما أقولشي
لكن فنان
وفي إيدى فرشب والألوان
وعلى جبين القمر راسم ضيا عينك
ولون شعرك بلون الليل
تغنيلي وأقول مواويل
بحبك آه مابأنكرشي
يا خاطفة القلب من نظرة
وعاملة ناسية مش فاكرة
وأنا دايب وأقولهالك أنا إنسان
عشقت فيكي الحب والتوهة
عايش ليكي عايش فيكي
وأعيش بيكي 
وأحبك من زمان لزمان
بحبك آه ما بأنكرشي
أوعدينى لو تهت منك تلاقيني
ولو خدني الزمان
تضميني ..وترقيني 
وتملسي على شعري
وفي حضنك تخبيني
وإوعي في يوم تنسيني
ده أنا عاشق أنا تايب 
أنا إنسان.. أنا فنان
وبحبك آه ما بأنكرشي
إوعي في يوم تزعلي مني
أنا فنان وساعات بأضيع مني
لحنت في عيونك أغاني
وعزفت على وترك أماني
يا خاطفة القلب من نظرة
بحبك من زمان لزمان
بحبك آه ما بأنكرشي
وأدوب في هواكي كمان
********
سالى محمود