الحياة بقلم الشاعر الرائع / عادل أبو زيد

الحياة
ساعتين وفاتوا
والحياة الباقية
تبدأ من وفاته
يعني يا صاحبي 
باقولك رُوق شوية
يعني إيه يا صاحبي دنيا؟
يعني حاجه حضنتها 
راحت في ثانية
زي حبة رمل 
كانوا بين ايديك
واتسرسبوا 
شويه شويه
زي حلم ومرّ 
من قُدّام عنيك
حلم مش فاكر بدايته
والنهايه جايه جايه
كلنا في الدنيا دي
عابر سبيل
واللي واهم نفسه
انه طريق طويل
يبقى خسران القضية
واللبيب يا صاحبي 
يفهم بالعلامه
الملايكه خلق يامه 
جات وجايبالك بشاره
جات تبارك ع السلامة
عادل أبوزيد