أنا ملاح بقلم الشاعره / سالي محمود

أنا ملاح
*********
على شط بحر الغرام عايش أنا ملاح
قلبي وروحب دايبين في عشق الصبايا الملاح
مكتوب على جبيني السفر والتوهة في الأيام
من شط لشط سارح ولا مينا ترسيني
مفطوم يا قلبي على الترحال
وصوتي يغني ويشجي بالموال
ويشق موالي البراح
ولا طايل في يوم أرتاح
والحزن طارح في القلوب فدادين
أعاشر ناس وأفارق ناس تانيين
مجبور يا قلبي على الجفا والتوهان
من مينا لمينا مستني ألاقيكي
صبية والصبا ليكي
بس لو بقلبك تحسيني
تناديني ..تضميني
ومن التوهة تاخدينى
ده أنا على شطك أحط رحالي وهمومي
وأناجي البحر في عيونك يازاد يومي
وأرسم على الرملة بيتي وسفينتي
يا كل أمالي والمنى إنتي
بحبك يا عروسة البحر ولقيتك
رسمتك في خيالي سنين وخليتك
عشقي وعمري وترحالي وما نسيتك
يا عروسة البحر ناديتي ولبيت الندا
وجيتك .. أودع التوهة 
وأرسى على باب بيتك
بحبك وعاشق يا زينة الملاح
*****
سالى محمود