هيدي أنا : (زجل) بقلم الشاعره / فردوس النجار

هيدي أنا : (زجل)
رح عيش هالعمر اللي مَكتبلي
كلو غني وأفراح رغم القَهْرْ
والناس بيقولولي ما تبلي
ضحكِكْ متل نيسان حَدّ النهرْ
ولو يعرفوا بالقلب "هـَ الدِّفلةِ"
بتِكْفِي العشيرةِ والأرض والدَّهرْ

ولو يعرفوا قَدَّيشني طفلةِ
وقَدَّيش نَبَّت ْ عا دموعي زهرْ
يعني عـْشِقِت ْ والحب جَنَّحلِي
ومن هالعُمُر مَرَّقـْت ْ شي كم شهرْ
وبعدين صارت هالدني ضَحلةِ
وصار العتم يمشي بعز الضهرْ

ومع هيك قلبي ضل يستحلي
وأعطى وَجيبوْ للقصيدةِ مَهْرْ
وصار الصباح كتير يِصْدَحلِي
وخبيت بعيوني الغوالي جَهْرْ
دخلك ياربي كيف إشرَحْلي؟!
تنجا الفَرَس من دون قَهْرْ الـْمِهْرْ؟!
****
دمشق : فردوس النجار