السعــاده
صباحكم أو مساكم سكر.. زياده
كل سيداتي وإنتم كمان.. ياساده
ربي يجعل كل أيامكم.. سعـاده
السعاده فــ حياتنا لها.. السياده
مستغربين ليه!! هقولُكُمْ.. الإفاده
مش مهم تكون في مركز.. قياده
المهم إنك كل لحظه ليك.. رياده
إعشق عروسة البحرأو.. بياضه
المهم إنك تسعى وتبطل.. بلاده
الدنيا كده مش محتاجه.. هواده
النهارده غير أيام عمري.. ياساده
بِحُبي أملِك كُل أسباب.. السعاده
وكل كلامي لكم سيداتي.. شهاده
تِحوِِلوا أي كسول لبطلِ.. رياضه
فاكره حبيبتي أول لحظة.. سعاده
أول شئ حبيته فيكي كان.. اللماضه
أكيد عايزين تعرفوا سعادتي ليه؟؟
صَبرِكْ شويه ياهانم وإنت يابيه
لوعِرِفتْ سبب أكيد هقول عليه
يمكن صوتها رقيق داب قلبي فيه
أوتاهت عيوني من نظرة عِنيه
أو حنان الحبيب في لمسة إيديه
صفات كتير أقول إيه عنها وإيه
نورِك حبيبتي لحياتي زيدي فيه
وتحذير ليكي يادنيا هقوله وإحفظيه
إوعي يادنيا لزهر الحُب تقطفيه
وعصفور حبي إطلقيه وماتحبسيه
تنبيهي ليكى أمر مافي رجوع فيه
يفضل سؤالكم ومطلوب إجابه عليه
وهوه النهارده سعادتي زايده ليه؟
ممكن كل اللي قولته وأضعاف عليه
حِبوا وإنسوا كلمة إشمعنى وليه
إزرعوا الحب وإياكم تدوسوا عليه
يمكن تعرفوا سبب سعادتي..ولاإيه؟
بقلمي /هشام نبوي
ليست هناك تعليقات:
إرسال تعليق